Nawuneminyaka eli-16 nanyana ngaphezulu, ungenza isibawo sencwadi kamazisi. Uzakudinga i-ID ukutlolisela ukutlola iinhlahlubo zakho zakamethrigi, Ukufumana ilayisense yokutjhayela namkha ukuvula i-akhawundi yebhanga.
Nawufumana uMazisi wakho aneemphoso ngokwemininingwana, umNyango wezangeKhaya uzakujamiselela uMazisi wakho simahla.
Ungenza isibawo sokobana uMazisi wakho akhutjhwe ngobutjha:
- nawutjhadileko ufuna ukutlolisa ngesibongo somlinganakho
- nawumumuntu omsikazi begodu ufuna ukwenza isibawo sikaMazisi omutjha ngesinye nesinye isibongo sakho sangaphambilini
- lokha ulahlekelwe nguMazisi, etjiwe namkha onakele.
UmNyango wezangeKhaya ujamiselela incwadi kaMazisi ohlaza ngoMazisi oliKarada. Kuzakwenziwa esikhathini esiminyaka ebunane ezako, ngakho-ke kungenzeka ungatholi uMazisi oliKarada nawenza isibawo njenganje. Nasele uneNcwadi kaMazisi, uzakumenywa ukobana uzokwenza isibawo sikaMazisi oliKarada.
Fumana ilwazi elinabileko ngokufumana incwadi kamazisi namkha uthintane nomNyango wezangeKhaya.
