U fanele ku va na phasipoto loko u lava ku teka maendzo yo ya ematikweni mambe.
Phasipoto i tsalwa ra ximfumo leri ri nyikiwaka hi mfumo wa tiko ka tendzo ta matiko hinkwawo ya misava naswona yi tiyisisa vutitivisi na vuakitiko bya le nawini bya munhu loyi a nga khoma maphepha.
U fanele ku va u ri na pasi ra Afrika-Dzonga ku endla xikombelo xa phasipoto, kumbe loko u ri n’wana, setifikheti ya ku velekiwa.
Loko u teka tendzo ta ximfumo hi swa mitirho ya mfumo, u nga ha endla xikombelo xa phasipoto ya ximfumo. Varhumiwa va tiko va kuma phasipoto ya vuxaka bya matiko.
Tiphasipoto ta xinkarhana ta nyikiwa eka vaakitiko va Afrika-Dzonga lava va nga endla xikombelo xa phasipoto ya mikarhi hinkwayo na loyi a lavaka ku teka rendzo ra swa xihatla kambe a nga si kumangiki phasipoto ya mikarhi hinkwayo kumbe phasipoto ya ntolovelo. U fanele ku lemuka leswaku matiko man’wana a ma amukeli tiphasipoto ta xinkarhana.
Ku kuma swo tala mayelana na phasipoto ya tendzo kumbe maphepha ya tendzo kumbe u tihlanganisa na Ndzawulo ya Timhaka ta Xikaya.