Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo
Ka ga mabapi le go ngwadiša khamphani ye e sa šomelego lešokotšo
Gore khamphani ya lena wa setšhaba e dumellwe go šoma go ya ka molao, e swanetše go ngwadišwa le Companies and Intellectual Property Commission (CIPC) bjalo ka ye e sa šomelego go dira lešokotšo (NPC).
Di-NPC ke khamphani ye e hlongwago ka maikemišetšo a go thuša batho, go šireletša tikologo goba go tšwetša pele masolo a go hola setšhaba ka kakaretšo. Di akaretša dikereke, mekgahlo ya babotlana le ya setšo. Moreromogolo wa NPC ke go hola setšhaba, e sego go dira lešokotšo.
Letseno le thoto ya khamphani ya mohuta wo ga di arolelwe balaodi, maloko goba bahlankedi ba mokgahlo, ntle le ge e le gore seo se dirwa ka maikemišetšo a go ba lefa malebana le tirelo ye a e abilego khamphaning yeo. Matlotlo le letseno ka moka tša khamphani ye e sa šomelego go dira lešokotšo di swanetše go šomišwa go fihlella maikemišetšo a khamphani, bjalo ka ge a hlalošitšwe mo Memorantamong wa Khamphani (MOI).
Bonnyaneng, ke bathomi ba bararo ba ba swanetšego go tlatša le go saena MOI. Bonnyaneng, balaodi ba bararo ba swanetše go thwalwa.
Di-NPC di swanetše go dula di na le bonnyane bja molaodi o tee (ntle le ge e le gore MoI e bontšha palo ya go feta yeo ya balaodi). Go thwalwa ga balekodi ba dipuku le mongwaledi wa khampahni ga se ga kgapeletšo, ke ga boikgethelo.
O ka ngwadiša Khamphani ya go se šomele lešokotšo bjalo ka:
- Khamphani ya Tlwaelo ya go se šomele lešokotšo (ya go ba le maloko)
- Khamphani ya Tlwaelo ya go se šomele lešokotšo (ya go se be le maloko)
- Khamphani ye e sego ya tlwaelo ya go se šomele lešokotšo (ya go ba le maloko),
- Khamphani ye e sego ya tlwaelo ya go se šomele lešokotšo (ya go se be le maloko).
Leina la khamphani ya NPC le tlo felela ka “NPC”.
Seo o swanetšego go se dira
- Ingwadiše inthaneteng bjalo ka modirelwa wa CIPC gore o kgone go gwebišana le CIPC goba ingwadiše le yo a šetšego a ngwadišitšwe, mohlala o ka kgopela molekodi wa gago wa dipuku gore a go ngwadiše.
- Beeletša leina la khamphani ka go tlatša Fomo CoR 9.1, e lego Kgopelo ya Peeletšo ya Leina. Leina le le beeleditšwego le šoma tekano ya dikgwedi tše tshela.
- Lefa R75 ge o dira kgopelo ka seatla goba R50 ge o dira kgopelo inthaneteng.
- Fana ka ditokumente tše di latelago go hlatsela kgopelo ya gago:
- dikhopi tše di sethifailwego tša pasporoto (ge o le modudi wa naga ya ntle) goba khopi ye e sethifailwego tša dipukwana tša boitsebišo (ID) (ge o le Moafrika Borwa) tša balaodi ka moka
- khopi ye e sethifailwego ya mokgopedi ge e le gore kgopelo ga e dirwe ke yo mongwe wa balaodi
- ge mongwadiši e le mokgahlo, gona go tlo nyakega tumello ya semolao malebana le moemedi yo a dumelletšwego go ngwadiša le go saena ditokumente ka moka
- Ge motho yo mongwe a ngwadiša khamphani gomme a saenela ditokumente ka moka legatong la balaodi ba mathomo ka moka, tumello ya semolao le khopi ye e sethifailwego ya motho yoo di tlo nyakega
- ge e le gore leina le beeleditšwe pele ga ngwadišo, gona go tlo nyakega tokumente ya maleba ya peeletšo ya leina leo.
- Ge e le gore o ngwadiša Khamphani ya tlwaelo go se šomele lešokotšo (ya go se be le maloko), fana ka:
- CoR15.1C
- CoR 14.1
- ditokumente tša bolatse
- Ditokumente tše di latelago di ka romelwa le CoR15.1C:
- CoR14.1 Mametletšo A
- CoR14.1 Mametletšo A B ge e le gore leina le swanetše go beeletšwa
- Ge o le molekodi wa dipuku, maloko a komiti ya balekodi le/goba mongwaledi wa khamphani o tlo thwalwa. Ge e le gore o ngwadiša khamphani ye e sego ya tlwaelo ya go se šomele lešokotšo (ya go se be le maloko) fana ka tše di latelago:
- CoR15.1D
- CoR 14.1
- Ditokumentše tša bohlatse
- Ditokumente tše di latelago di ka romelwa le CoR15.1D:
- CoR14.1 Mametletšo A
- CoR14.1 Mametletšo B ge e le gore leina le swanetše go beeletšwa
- CoR14.1 Mametletšo C ge go ageletšwa
- CoR14.1 Mametletšo D ge o le molekodi wa dipuku, maloko a komiti ya balekodi le/goba mongwaledi wa khamphani ba tlo thwalwa
- Ge e le gore o ngwadiša Khamphani ye e sego ya tlwaelo go se šomele lešokotšo (ya go ba le maloko), fana ka:
- CoR15.1E
- CoR 14.1
- Ditokumente tša bohlatse
- Ditokumente tše di latelago di ka romelwa le CoR15.1E:
- CoR14.1 Mametletšo A
- CoR14.1 Mametletšo B ge leina le tlo beeletšwa
- CoR14.1 Mametletšo C ge go ageletšwa
- CoR14.1 Mametletšo D ge o le molekodi wa dipuku, maloko a komiti ya balekodi le/goba mongwaledi wa khamphani ba tlo thwalwa
- Ge e le gore o ngwadiša khampahni ye e sego ya tlwaelo ya go se šomele lešokotšo (ya go se be le maloko), fana ka tše di latelago:
- CoR15.1D
- CoR 14.1
- Ditokumente tša bohlatse
- Ditokumente tše di latelago di ka romelwa le CoR15.1E:
- CoR14.1 Mametletšo A
- CoR14.1 Mametletšo B ge e le gore leina le tlo beeletšwa
- CoR14.1 Mametletšo C ge go ageletšwa
- CoR14.1 Mametletšo D ge o le molekodi wa dipuku, maloko a komiti ya balekodi le/goba mongwaledi wa khamphani bat lo thwalwa
Hlokomela: Ge leina le le šišintšwego le ka ganetšwa, khamphani e ka no ngwadišwa gomme nomoro ya yona ya boingwadišo e tlo ba leina la khamphani yeo, go fihla nakong yeo leina la maleba le beeleditšwego,dumelletšwego.
Lebaka
- Go tšea matšatši a 5 – 10 a gare gab eke go beeletša leina la khamphani.
- Go ka tšea matšatši a 5 go ya go a lesome go ngwadiša khamphani ye e sa šomelego lešokotšo.
E dira tshenyagelo ya bokae
- R175 – Memorantamo wa Go thomiša (Ka taolo ya phokoletšo ye e dumeletšwego) malebana le khamphani ya tlwaelo ya go se šomele lešokotšo (CoR 15.1C).
- R475 – Memorantamo wa Go thomiša (Ka taolo ya phokoletšo ye e dumeletšwego) malebana le khamphani ye e sego ya tlwaelo ya go se šomele lešokotšo ya go ba le maloko (CoR 15.1D) goba ya go se be le maloko (CoR 15.1E).
- R50 ya go beeletša leina inthaneteng.
- R75 ya go beeletša leina ka noši.
Diforomo tšeo di swanetšwego go tlatšwa
Diforomo di fumaneha ofising e haufi le wena ya Ntshetsopele ya Setjhaba e leng Companies and Intellectual Property Commission or www.cipc.co.za .
Tel: 086 100 2472
Physical address: 77 Meintjies Street, Block F, Sunnyside, Pretoria, 0001
Postal address: Companies and Intellectual Property Commission, P.O. Box 429, Pretoria, 0001