Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha u ṅwalisa khamphani i si ya mbuelo
U itela lushaka lwapo uri lu dzhielwe nṱha sa tshiimiswa tsha mulayo, vha fanela u tshi ṅwalisa sa khammpani i si ya mbuelo ‘non-profit company’ (NPC) na Khomishini ya Dzikhamphani na Pfanelo ya Vhuṋe ha Ndaka ‘Companies and Intellectual Property Commission’ (CIPC).
NPCs ndi zwiimiswa zwine zwo dzudzanyelwaho u thusa vhathu, u itela u tsireledza mupo kana u ṱuṱuwedza zwiito zwavhuḓi. Zwi nga katela dzikereke, madzangano a mpakulile, na madzangano a mvelele. Ndivho khulwane ya NPC ndi u vhuedza tshitshavha, hu si u wana mbuelo.
Mbuelo na ndaka zwi nga phanḓaladzwa kha vhaṋe vha khamphani, miraḓo, vhalanguli na vhaofisiri vha khamphani i si ya mbuelo, fhedzi sa ndiliso i pfalaho ya tshumelo dze vha dzi ita. Ndaka yoṱhe ya khamphani i si ya mbuelo na uri mbuelo i fanela u shumiswa u itela u khwinisa ndivho dzaḽo, sa zwo sumbedzwaho kha Memorandamu ya Khunyeledzo ya Khamphani ‘Memorandum of Incorporation’ (MOI).
Gumoṱhukhu ya miraḓo miraru i fanela u ḓadza na u saina MOI. Gumoṱhuku ya vhalanguli vhararu vhe vha tholiwa.
Khamphani dzi si dza mbuelo tshifhinga tshoṱhe dzi fanela u vha dzi na mulanguli muthihi (nga nnḓa ha musi MOI yo sumbedza tshivhalo tsha nṱha tsha vhalanguli). U tholwa ha muṱolamuvhalelano na muṅwalelei wa khamphani a si khombekhombe vha tou funa
Vha nga ṅwalisa Khamphani i si ya Mbuelo sa:
- Khamphani i si ya Mbuelo yo linganelaho (hu na miraḓo)
- Khamphani i si ya mbuelo yo linganelaho (hu sin a miraḓo)
- Khamphani i si ya mbuelo yo khetheaho ‘customised’ (i na miraḓo),
- Khamphani i si ya Mbuelo yo khetheaho (i si na miraḓo).
Dzina ḽa khamphani i si ya mbuelo i ḓo fhela nga NPC”.
Zwine vha tea u ita
- Kha vha ṅwalise kha inthanethe sa mushumisi kha CIPC u itela uri vha kone u shumisa CIPC kana u ḓiṅwalisa nga kha mushumisi o no ḓiṅwalisaho sa tsumbo kha vha humbele muḓivhambalelano uri wavho a vha ṅwalise.
- Kha vha vha vhulunge dzina ḽa khamphani nga ḓadza Khumbelo ya u Vhulunga Dzina, Fomo ya Fomo CoR 9.1. U vhulungwa ha dzina zwi ḓo dzula lwa miṅwedzi ya rathi.
- Kha vha badele mbadelo dza R75 arali vha tshi khou ṋetshedza fomo nga tshanḓa na R50 arali vha tshi khou shumisa inthanethe.
- Kha vha ṋetshedze maṅwalo a u tikedza a tevhelaho na khumbelo yavho:
- Khophi dza phasipoto dzo khwaṱhisedzwaho u vha dzavhukuma (arali vha mubvannḓa) kana khophi ya basa yo khwaṱhisedzwaho u vha yavhukuma (arali vha mudzulapo wa Afrika Tshipembe) zwa vhalanguli vhoṱhe vha u thoma vho sumbedzwaho na miraḓo ya khamphani
- Khophi ya basa yo khwaṱhisedzwaho u vha yavhukuma arali muhumbeli a si muthihi wa avho vhalanguli vha u thoma kana muraḓo wa khamphani
- Arali muraḓo wa khamphani a ramulayo, vhuḓifhinduleli ha ramulayo kha muimeleli o tendelwaho u dzhenisa nga onoyo ramulayo uri a imelele khamphani na u saina maṅwalo o fanelaho
- Arali muṅwe muthu a imelela khamphani na u saina maṅwalo oṱhe o fanelaho kha khamphani o imelela miraḓo ya khamphani na vhalanguli vha uthoma, vhuḓifhinduleli ha ramulayo na khophi ya basa yo khwaṱhisedzwaho u vha yavhukuma ya muthu onoyo zwi a ṱoḓea
- Arali dzina ḽo vha ḽo no vhewa musi hu sa a thu u faeliwa maṅwalo a khamphani, hu ṱoḓea maṅwalo a u vhulungwa ha dzina ḽa vhukuma.
- Arali vha tshi khou ṅwalisa Khamphani i si ya Mbuelo yo linganelaho (i si na miraḓo), kha vha ṋetshedze zwi tevhelaho:
- CoR15.1C
- CoR 14.1
- maṅwalo a thikhedzo
- maṅwalo a tevhelaho a nga ḓadziwa na CoR15.1C:
- CoR14.1 Muengedzo wa A
- CoR14.1 Muengedzo wa B arali dzina ḽi tshi khou vhulungwa kha khamphani
- Arali muṱolambalelano. miraḓo ya komiti ya ṱholambalelano na/kana muṅwaleli wa khamphani a tholiwa vha vha vha tshi khou ṅwalisa Khamphani i si ya \mbuelo ya yo khetheaho (i sin a miraḓo, kha vha ṅetshedze zwi tevhelaho:
- CoR15.1D
- CoR 14.1
- Maṅwalo a khwaṱhisedzo
- Maṅwalo a tevhelaho a nga ḓadziwa na CoR15.1D:
- CoR14.1 muengedzo wa A
- CoR14.1 Muengedzo wa B arali dzina ḽo vhulungwa kha khamphani
- CoR14.1 Muengedzo wa C arali nyimele dza tsireledzo dzi tshi khou shumiswa
- CoR14.1 Muengedzo wa D arali vha muṱolambalelano, miraḓo ya komiti ya vhuṱolambalelano/ kana ha tholiwa muṅwaleli wa khamphani
- Arali vha tshi khouṅwalisa Khamphani isi ya Mbuelo yo khetheaho(i na miraḓo), kha vha ṋetshedze zwi tevhelaho:
- CoR15.1E
- CoR 14.1
- maṅwaloa khwaṱhisedzo
- Hu nga ḓadziwa maṅwalo a tevhelaho na CoR15.1E:
- CoR14.1 Muengedzo wa A
- CoR14.1 Muengedzo wa B arali dzina ḽo vhulungwa kha khamphani
- CoR14.1 Muengedzo wa C arali nyimele dza tsireledzo dzi tshi khou shumiswa ‘ring fencing’
- CoR14.1 Muengedzo wa D arali vha muṱolambalelano, miraḓo ya komiti ya ṱholambalelano/ kana ha tholiwa muṅwaleli wa khamphani
- Arali vha tshi khouṅwalisa Khamphani isi ya Mbuelo yo khetheaho (i na miraḓo), kha vha ṋetshedze zwi tevhelaho:
- CoR15.1D
- CoR 14.1
- maṅwalo a khwaṱhisedzo
- Hu nga ḓadziwa maṅwalo a tevhelaho na CoR15.1E:
- CoR14.1 Muengedzo wa A
- CoR14.1 Muengedzo wa B arali dzina ḽo vhulungwa kha khamphani
- CoR14.1 Muengedzo wa C if ring fencing
- CoR14.1 Muengedzo wa D arali vha muṱolambalelano, miraḓo ya komiti ya ṱholambalelano/ kana ha tholiwa muṅwaleli wa khamphani
Kha vha dzhiele nṱha uri arali dzina ḽo dzinginywaho ḽa haniwa, khamphani i ḓo ḓivha yo ṅwaliswa nahone nomboro ya u ḓiṅwalisa i mbo ḓivha dzina ḽa khampani ine ya khou thomiwa, u swika tshifhinga tshine ha ḓo vha hu na dzina ḽa vhukuma ḽo vheiwaho/tendelwaho.
Tshifhingambekanywa
- Zwi dzhia maḓuvha a 5-10 au shuma u vhulunga dzina ḽa khamphani.
- Zwi nga dzhia maḓuvha a u shuma a 5 u ya kha a fumi uṅwalisa khamphani i si ya mbuelo.
Zwi ita vhugai
- R175 – ya Memorandamu wa Khunyeledzo ya Khamphani (hu tshi tevhedzwa u fhungudzwa ho tendelwaho) u itela khampani I si ya mbuelo yo linganelaho (CoR 15.1C).
- R475 – Memorandamu wa Khunyeledzo ya Khamphani (Hu tshi tevhedzwa u fhungudzwa ho tendelwaho) u itela khamphani i si ya mbuelo yo khetheaho i re na miraḓo (CoR 15.1D) kana hu si na miraḓo (CoR 15.1E).
- R50 ya u vhulunga dzina kha khomphyutha.
- R75 ya dzina ḽo vhulungwaho kha.
Fomo dzi no tea u ḓadzwa
Fomo dza khumbelo dzi wanala ofisini dzavho dza tsinisa dza Companies and Intellectual Property Commission / www.cipc.co.za.
Tel: 086 100 2472
Physical address: 77 Meintjies Street, Block F, Sunnyside, Pretoria, 0001
Postal address: Companies and Intellectual Property Commission, P.O. Box 429, Pretoria, 0001