Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Malugana na u vhumba Mbumbano ya u Tsireledzo kha Mulilo
Vha tendelwa u vhumba Mbumbano ya Tsireledzo kha Mulilo (FPA) ḽine ḽa ḓo humbulela, u langula na u dzima mililo kha vhupo havho arali:
- vha muṋe wa mavu
- vha muhiri wa mavu
- vha Muofisiri wa Tshitumbe wa maanḓalanga apo
- vho tholiwa uri vha lange mavu a muvhuso (hu tshi katelwa na mavu a Mmbi ya Vhupileli ya Lushaka ya Afrika Tshipembe)
- ha tshi langula mavu vho ṋewa maanḓa nga Khothe ya Nṱha.
Vha fanela u vha vha tshi khou dzula kha vhupo:
- vhune ha anzela u duga mililo
- vhu na khombo ya mililo ya ḓaka kana
- Vhu na maḓaka kana zwimela.
A vha tendelwi u vhumba mbumbano vha vhoṱhe. Vha fanela u vha vha tshigwada tsha vhathu vhane vha wela khamkhethekanyo yo bulwaho afho nṱha, vha tshi dzula kha vhupo vhuthihi.
Mishumo yavho sa Mbumbano ya Tsireledzo kha Mulilo ndi:
- U bveledza na u shumisa maano a lulangulele kwa mulilo wa ḓaka kha vhupo ha havho
- u ṱalusa nyimele dza mupo dzine dza nga vhanga mulilo
- U davhidzana na miraḓo ya vhupo havho misi yoṱhe nga phimo dza khombo
- U dzudzanya na u gudisa miraḓo ya vhupo havho u dzima, u langula na u thivhela mililo
- U fha Minisṱa wa Vhulimi, Maḓaka na Vhufuwakhovhe (DAFF) dzimbalombalo malugana na mililo ya ḓaka kha vhupo ha havho.
- U ṋetshedza mafhungo a kwamaho u thivhela mililo musi a tshi humbelwa nga Vho Minisṱa
Zwine vha tea u ita
- Vha vhidze muṱangano wa vhathu vho tendelwaho vhane vha zwi takalela
- Arali hu na tshumelo yo no vhaho hone ya zwa mulilo, vha fanela u fha mbumbano yeneyo nḓivhadzo ya uri hu na mbumbano ine vha khou ṱoḓa u i vhumba vha ramba Muofisiri Muhulu wa Mulilo kha muṱangano wavho.
Vha ṅwale maambiwa a muṱangano, ane a sumbedza:- Arali ho vha na thikhedzo kana hu songo vha na thikhedzo ya vhoṱhe malugana na u vhumbiwa ha mbumbano ya tsireledzo kha mulilo
- Tshivhalo tsha vouthu dzo imaho na u vhumbiwa ha mbumbano
- Tshivhalo tsha vouthu dze dza hanedzana na u vhumbiwa ha mbumbano
- Tshivhalo tsha vhathu vhe vha sa vouthe malugana na u vhumbiwa ha mbumbano.
- Vha ṋwale na u saina thendelano yo tou ṋwalwaho ine ya bula uri vha tshipiḓa tsha mbumbano
- Vha nange mudzulatshidulo na khoro tshitumbe
- Vha fhe mbumbano ya tsireledzo kha mulilo dzina na u ṱalutshedza vhupo havho
- Vha vhulunge redzhisiṱara ya vho ḓaho muṱanganoni i re na zwidodombedzwa zwa vhukwamani ine ya katela na ḓiresi dza poswo dza vhathu vhoṱhe vho ḓaho muṱanganoni.
- Vha bvise fomo vha ḓise Fom ya 1 nga fhasi ha dzifomo dzine dza tea u ḓadziwa, uri i ṱanganedzwe nga DAFF.
- Arali DAFF ya ṱanganedza khumbelo yavho, vha fanela u bvisa vha ḓise Fomo ya 2 vha nambatedze na zwi tevhelaho.:
- maambiwa a muṱangano
- ndayotewa ya FPA na
- Pulane ya bindu ya PFA, ine ya katela maano a u langula mulilo wa ḓakanna milayo yayo.
Fomo dzi no tea u ḓadzwa
Forms are available from the Department of Forestry, Fisheries and the Environment
Department of Forestry, Fisheries and the Environment
Tel: 012 319 6000
Forestry Regulation & Oversight
Mr AR .Madula | |
Tel: 012 309 5710 |
|
Fax: 012 309 5840 |
|
E-mail address: RennyM@daff.gov.za |